sru:version: 1.2; sru:query: fcs.rf="mecmua.1_179"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_179"; sru:baseUrl: ; fcs:returnedRecords: 1; fcs:duration: PT0.024S PT0.033S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_179</phrase></query>)];

257 Bunı ilhām ile ėdüb īcād
Tecrübe qılmışam eyā şeh‑zād

258 Bedeline bunuñ gibi olmaz
Nā‑ehilden ḫafī gerekdür rāz

der‑beyān‑i devā‑yi şiqāq

259 Elde ayaqda ger şiqāq olsa
Niyyetüñ andan el‑firāq olsa

260 Bu ḥabuñ yetmişin qıl istiʿmāl
Tā hemīşe günüñ ola ḫoş‑ḥāl

261 Balġam‑i zaḥmet[i] ėder zāyil
İmtiḥān eyleyen olur qāyil

262 Vezni budur beyān ėdem aḥsen
Beşi rāvend‑i Çīn beşi sülümen

263 Zībeqi hem sekiz direm eyle
Günlügi bist ü penc ola böyle

264 M‑r‑ż‑y daḫı hem ʿaqır qarḥa
Ola yigirmişer direm cānā

265 Yüz direm hem daqīq‑i gendüm al
Āb‑i līmūn‑ile yoġur fī l‑ḥāl

266 İri noḫud qadar ėdüb yiyeler
Üç gėce ve üçin ṣubḥ yiyeler

267 Ḫātime vü ere yetmiş ü seksen
Qurtula tĭz zamān bu ʿilletden

268 Ekşiler yėmeyüb ėdüb perhīz
Görmeye bu elemleri her gīz

muʿālece‑i zaḥmet‑i firenk

269 Ger firenk zaḥmeti ola düşvār
Böyle ėtdüm ʿilāc aña her bār

270 ʿAvn‑i ḥaqq‑ile kimse hĭc maḥrūm
Qalmadı ger ʿArab ʿAcem ger Rūm

271 Yėmesün ekşi bārid ü raṭbı
Beş güne dek vėrüñ beşer ḥabbı

272 Baʿde şerbet‑ile ter‑i ishāl
Cümle aḫlāṭı redd ėder fī l‑ḥāl

273 Yine on gün yėsün üçer ḥabdan
Gėrü tekrār içe o şerbetden

274 Ṣoñra her gėce ikişer dāne
Yiye tā ėrişince dermāne

275 Yüzi bir ādeme kifāyet ėder
O marażdan bunı selāmet ėder

276 Ola miqdārı bu ḥabuñ fülfül
Tāzeler ādemī ten‑i ter‑gül

277 Ḥükemā qavlidür bu evzānı
Qoma elden ki yoq buña s̱ānī

278 On direm eyle zībeqi daḫı sen
İki dirhem daḫı aña sülümen